[东方报]世界盃：加納半和鍊哥倫比亞[07-03]

                               
登录/注册后可看大图

初段慣打穩陣波
聽朝世盃32強焦點戰，哥倫比亞硬撼加納。哥倫比亞雖然有路易斯迪亞斯助陣，但今屆鋒線整體表現未算突出，加納主帥奎羅斯老謀深算，今仗倒戈有晒全盤部署，呢支非洲兵硬淨之餘，初段例打穩陣波，半場和不妨再追。（Now 618、616及馬會指定場外投注處周六早上9時30分直播）

哥倫比亞今屆世盃戰績不俗，喺K組取得2勝1和，力壓C朗領軍嘅葡萄牙獲首名出線。不過呢支南美球隊今屆4個入波中，有兩球係來自「帶刀侍衞」丹尼爾蒙路斯，若果單計鋒線，除咗路易斯迪亞斯交出1入波1助攻外，其他隊友未見突出，路爾斯蘇亞雷斯更加帶傷上陣，就算上仗獲得休息，但未必立即回勇，攻力難免打折扣。

奎羅斯曾任哥軍主帥
另邊廂，原本備受睇淡嘅加納，世盃開打後即刻入局，喺L組先贏巴拿馬，再悶和勁旅英格蘭，雖然尾輪輸畀克羅地亞，仍以4分成為其中1支最佳第3名出線。加納王牌安東尼施美安雖然狀態未算標青，但球隊勝在有主帥奎羅斯，呢位4月先接手嘅老江湖，唔單止帶過葡萄牙同伊朗出戰世盃，喺2019至2020年期間亦教過今仗對手哥倫比亞，對舊東家瞭如指掌，佢明知人腳唔及對手，一定玩死守，尤其係初段先保住不敗，呢支非洲兵近4場有3次開半場和，出戰淘汰賽相信會更加保守，半場和捧得過。