[东方报]歐冠：神奇球隊弗到漏 波杜基林特客W手到拿萊[08-04]

                               
登录/注册后可看大图

歐聯第3圈外圍賽首回合，比甲球隊聖基萊斯聯主場迎戰挪超「神奇球隊」波杜基林特。波杜基林特喺上屆歐聯令人眼前一亮，過關斬將連挫多支名牌下，神奇躋身16強，高效率嘅進攻足球贏盡掌聲，佢哋今屆陣容變化唔大，而且近期狀態極弗，有力開出客勝。（周三凌晨2時開賽）

波杜基林特係歐洲賽常客，而且有愈戰愈勇之勢，前年喺歐霸盃殺入4強已經夠晒勁，上年更曾連贏曼城、馬德里體育會同國際米蘭等豪門，雖然喺歐聯16強戲劇性被士砵亭淘汰，但呢兩年嘅戰績已經證明，佢哋絕對有能力喺歐洲賽拎到好成績。

波杜基林特今季捲土重來，球隊基本上保持原有陣容，繼續由經驗豐富嘅洛特臣領軍，贊斯侯格、柏德列貝治等主力依然在陣，合作性一流。波杜基林特目前喺挪超5連勝高踞榜首，5場賽事唔單止不失1球，而且近3場都至少贏3球，狀態非常理想。

聖基萊斯聯未上力
另邊廂，聖基萊斯聯上季歐聯喺聯賽階段排27位，未能躋身淘汰賽，而且今季比甲仍未正式開咧，聖基萊斯聯球員狀態仲處於季前備戰階段，上場比超盃對布魯日，僅靠互射12碼贏波，入局程度肯定唔及已經上晒力嘅波杜基林特。硬仗當前，寧捧狀態當弗嘅球隊，今場客勝好路。