[东方报]歐國聯：德國希臘演大龍鳳[09-27]

                               
登录/注册后可看大图

歐國聯A2組第2輪，德國主場迎戰希臘。首輪德國作客臨尾被荷蘭逼和，今仗返主場出擊肯定嚟料；希臘首戰擊敗塞爾維亞，依家排榜首，佢哋3大鋒將孭起成隊波，入球唔會少，加上雙方近3次交手2次開4球或以上，3.5球入球大要捧場。（周一凌晨2時45分開賽）

德國上場被荷蘭逼和，穆斯亞拿同夏維斯先後受傷。對於出現人員變動，高普早有準備，佢今次徵召44人，原意係兵分兩路，依家既然有球員受傷，就提早徵召域斯同莊拿芬貝卡特，所以唔使擔心兵源問題，而且以高普比賽風格，今場肯定全軍出擊，爭取大勝。

精銳盡出駁火格
希臘今屆「升班」上A組首仗即贏波，全靠「3斯」組合冒起，阿仙奴翼鋒謝索利斯、白禮頓射手高斯杜拉斯同賓菲加前鋒柏夫利迪斯3人係入球保證，遇上高普嘅重金屬足球，想唔開大都難。